सुन्दरपुर /जेठ ३। उदयपुरको चौदण्डीगढी नगरपालिका–५ को वडाध्यक्ष पदमा एमालेका तुलसीराम ढकाल विजयी भएका छन् ।
ढकालले १ हजार १३ मत प्राप्तगरी विजयी भएका हुन् । उनका निकटतम प्रतिद्धण्द्धी नेकपा (माओवादी केन्द्र) का देवनारायण चौधरीले ८ सय १२ मत प्राप्त गरेका छन् भने २ सय १ मतले ढकाल विजयी भएका छन् ।
सदस्यहरुमा पनि दोस्रो खुल्ला सदस्य कांग्रेसका सुरेशकुमार चौधरीबाहेक तीनै जना एमालेकै उम्मेदवार विजयी भएका छन् ।विजयी हुने उम्मेदवारहरुमा जानुकादेवी चौधरी, पार्वती वि.क. र अमिन चौधरी रहेका छन् ।
०७४ को स्थानीय निर्वाचनमा उनै माओवादीका देवनारायण विजयी भएका थिए । ०७४ को स्थानीय निर्वाचनमा तुलसिराम ढकाल खुल्ला सदस्यमा विजय भएर आई सकेका थिए ।
त्यहाँको मत परिणाम अनुसार कांग्रेसका देवीप्रशाद बस्नेत तेस्रो स्थानमा सिमित रहेका छन् ।
No comments:
Post a Comment